Kostnaður

Nemendur við LungA skólann borga skólagjöld til að komast inn í námið. Skólagjöldin á hverju námskeiði/hverri önn verða tilkynnt um leið og opnað verður fyrir umsóknir. Innifalið í skólagjöldum er fæði og húsnæði á meðan á náminu stendur. Einnig er innifalið efni sem notað er á námskeiðum og flest af þeim efnivið sem nemendur nota í eigin vinnu.
Verðið fyrir tólf vikna prógram er á milli 500.000 og 550.ooo krónur.

Aldur

Það er ekkert aldurstakmark í LungA Skólanum, öllum er frjálst að sækja um, en flestir nemendurnir eru á bilinu átján og þrjátíu ára.

Gistiaðstaða

Nemendur munu búa í húsnæði skólans á Seyðisfirði. Við bjóðum upp á þrjár heimavistir sem eru staðsettar á mismunandi stöðum í þorpinu. Þegar sótt er um er hægt að velja um annarsvegar dvöl í herbergi fyrir tvo, sem er samnýtt með öðrum nemanda, eða hinsvegar dvöl í eigin herbergi. Verðið miðast við fyrrnefnda kosti.  Við getum ekki lofað þér að allar óskir þínar verði uppfylltar, en við munum gera okkar besta.  Á sumrin eru húsnæðið nýtt sem hótel og farfuglaheimili, en á meðan á náminu stendur er það eingöngu fyrir nemendur LungA skólans.

Um Seyðisfjörð

Seyðisfjörður er ekki stórt þorp – en frábært engu að síður! Þrátt fyrir smæðina er hér innanhúss-sundlaug, kaffihús, bar, spítali, listamannaíbúðir, golfvöllur, skíðaaðstaða, bíó og margt fleira. Semsagt, allt sem þú þarft og meira til!

Samgöngur

Það fer eftir því hvaðan úr heiminum þú kemur hvaða ferðamáta þú velur. Hér eru nokkrir algengir valkostir.

Með flugvél:

Ef þú flýgur að utan munt þú koma til landsins á flugvellinum í Keflavík og fara síðan á innanlandsflugvöllinn í Reykjavík. Flugrútan er með áætlunarferðir frá Keflavík á innanlandsflugvöllinn í Reykjavík. Síðan er hægt að fljúga með innanlandsflugi frá Reykjavík til Egilsstaða og taka þar rútu á flugvellinum á Egilsstöðum til Seyðisfjarðar. Gjörðu svo vel! (notaðu www.momondo.com eða aðrar svipaðar leitarvélar til að finna ódýrasta verðið)

Með bíl:

Hvort sem þú keyrir suðurleiðina eða norðurleiðina umhverfis Ísland er ágætt að miða við tíu klst. akstur (gert ráð fyrir tíma til að pissa og næra sig). Ef þú átt ekki bíl er annaðhvort hægt að ferðast með rútu eða leigja bíl. Nemendur við LungA skólann fá tilboðsverð á Kúkúcampers.

Með báti:

Það er í boði yndisleg tveggja daga sigling frá Hirtshals í Danmörku beint til Seyðisfjarðar. Stoppað er í Færeyjum og hægt að dvelja þar í nokkrar klukkustundir. Ferðalagið getur verið áskorun vegna veðuraðstæðna síðla hausts og á veturnar.(www.smyril-line.com)